இந்திய பங்குச் சந்தையில் மூன்றாவது நாளாக இன்று வர்த்தகம் ஏற்றத்துடன் தொடங்கினாலும் பின்னர் சரிவு ஏற்பட்டது. எனினும், ஐடி நிறுவனப் பங்குகள் ஓரளவு கைகொடுத்து வருகின்றன.
இந்திய பங்குச் சந்தையில் மீண்டும் நெகட்டிவ் போக்கு தொற்றிக் கொண்டுள்ளது. மும்பை பங்குச் சந்தையில் சென்செக்ஸ் 250+ புள்ளிகள் சரிந்தன.
மும்பை பங்குச் சந்தையில் இன்று (அக்.8) காலை வர்த்தகம் தொடங்கும்போது சென்செக்ஸ் 254.02 புள்ளிகள் உயர்ந்து 82,180.77 ஆகவும், தேசிய பங்குச் சந்தையில் நிஃப்டி 70.25 புள்ளிகள் உயர்ந்து 25,178.55 ஆகவும் இருந்தது.
இந்திய பங்குச் சந்தையில் மூன்றாவது நாளாக இன்று வர்த்தகம் ஏற்றத்துடன் தொடங்கினாலும் பின்னர் சரிவு ஏற்பட்டது. எனினும், ஐடி நிறுவனப் பங்குகள் ஓரளவு கைகொடுத்து வருகின்றன. இன்றைய வர்த்தகத்தில் இன்போசிஸ், டிசிஎஸ், டெக் மஹிந்திரா, பாரதி ஏர்டெல், மாருதி சுசுகி உள்ளிட்ட நிறுவனப் பங்குகள் ஏற்றம் கண்டுள்ளன.
எனினும், நெஸ்லே இந்தியா, ரிலையன்ஸ் இண்டஸ்ட்ரீஸ், அதானி போர்ட்ஸ், எடர்னல் லிட், ஐடிசி, சன் பார்மா, என்டிபிசி, எஸ்பிஐ உள்ளிட்ட பல்வேறு நிறுவனப் பங்குகள் சரிவை சந்தித்துள்ளன.
இன்று பிற்பகல் 12.30 மணியளவில் சென்செக்ஸ் 250.85 புள்ளிகள் சரிந்து 81,675.90 ஆகவும், நிஃப்டி 91.10 புள்ளிகள் சரிந்து 25,017.20 ஆகவும் இருந்தது.
காரணம் என்ன?
அமெரிக்க பங்குச் சந்தை சரிவுடன் நிறைவுற்றது. ஆசிய பங்குச் சந்தைகளைப் பொறுத்தவரையில் ஜப்பானில் ஏற்றமும், ஹாங்காங்கில் சரிவும் நிலவுகிறது. சீனா மற்றும் தென்கொரிய பங்குச் சந்தைகளுக்கு இன்று விடுமுறை. வெளிநாட்டு முதலீடுகளின் வரத்து மற்றும் ஐடி பங்குகளை வாங்குவதில் காட்டும் ஆர்வம் காரணமாக, இந்திய பங்குச் சந்தையில் சரிவு இருந்தாலும் கூட பெரிய அளவில் வீழ்ச்சி இல்லை என்பது கவனிக்கத்தக்கது.
ஏற்றம் காணும் பங்குகள்:
டைடன் கம்பெனி
இன்போசிஸ்
டிசிஎஸ்
டெக் மஹிந்திரா
பாரதி ஏர்டெல்
மாருதி சுசுகி
டாடா ஸ்டீல்
பஜாஜ் ஃபைனான்ஸ்
எல் அண்ட் டி
இறங்கு முகம் காணும் பங்குகள்:
ஐசிஐசிஐ பேங்க்
ஏசியன் பெயின்ட்ஸ்
இண்டஸ்இண்ட் பேங்க்
அதானி போர்ட்ஸ்
பவர் கிரிட் கார்ப்பரேஷன்
ஹெச்டிஎஃப்சி பேங்க்
பஜாஜ் ஃபின்சர்வ்
அல்ட்ராடெக் சிமென்ட்ஸ்
ஹெச்சிஎல் டெக்னாலஜிஸ்
எம் அண்ட் எம்
நெஸ்லே இந்தியா
ரிலையன்ஸ் இண்டஸ்ட்ரீஸ்
எடர்னல் லிட்
ஐடிசி
சன் பார்மா
கோடக் மஹிந்திரா பேங்க்
என்டிபிசி
எஸ்பிஐ
இந்துஸ்தான் யூனிலீவர்
டாடா மோட்டார்ஸ்
ஆக்சிஸ் பேங்க்
ரூபாய் மதிப்பு
இன்றைய வர்த்தக தொடக்கத்தில் அமெரிக்க டாலருக்கு நிகரான இந்திய ரூபாயின் மதிப்பு ரூ.88.78 ஆக கடும் வீழ்ச்சி கண்டு இருந்தது.
